VOYAGES BLOGUESQUES

PAVANE de Jehan Tabourot

Mon, 19 Nov 2007 05:26:28 +0100

Pavane ******* Belle qui tiens ma vie Captive dans tes yeux, Qui m'as l'âme ravie D'un souris gracieux. Viens tôt me secourir, Ou me faudra mourir. Pourquoi fuis-tu, mignarde, Si je suis près de toi ? Quand tes yeux je regarde, Je me perds dedans moi ! Car tes perfections Changent mes actions. Tes beautés et ta grâce Et tes divins propos Ont échauffé la glace Qui me gelait les os. Ils ont rempli mon coeur D'une amoureuse ardeur ! Approche donc ma belle, Approche-toi mon bien ! Ne me sois plus rebelle Puisque mon coeur est tien... Pour mon mal apaiser Donne-moi un baiser ! Jehan Tabourot, dit Thoinot ARBEAU (1520-1595)

OU MON DESIR M ' ASSOUVIRA d ' Alain CHARTIER

Mon, 19 Nov 2007 05:21:14 +0100

OU MON DESIR M ' ASSOUVIRA d ' Alain CHARTIER (1385-1433) Ou mon desir m'assouvira, Ou ma tristesse m'occira Pour vous, belle, prouchainement, Se mon cueur quiert l'alegement Du mal que pour vous servir a. Ung de ces deux me suffira, N'espoir plus ne me mentira, Si j'ay de parler hardement, Ou mon desir m'assouvira. Tout bien ou tout mal m'en ira, Car quant vostre bouche dira Oy ou nenny, tout seulement, Elle asserra le jugement Dont mon dueil o* moy finera Ou mon desir m'assouvira. (*) avec

EN la FOREST de LONGUE ATTENTE de Marie de CLÈVES

Mon, 19 Nov 2007 05:20:57 +0100

En la forest de Longue Attente Entrée suis en une sente Dont oster je ne puis mon cueur, Pour quoy je vis en grant langueur, Par Fortune qui me tourmente. Souvent Espoir chacun contente, Excepté moy, povre dolente, Qui nuit et jour suis en douleur En la forest de Longue Attente. Ay je dont tort, se je garmente* Plus que nulle qui soit vivante ? Par Dieu, nannil, veu mon malheur, Car ainsi m'aid mon Createur Qu'il n'est peine que je ne sente En la forest de Longue Attente. (*) je me lamente Marie de CLÈVES (1426-1487)